喺香港畸形嘅問責制下，特首最比唔上港督嘅地方，係對住下面手下嘅處境。
以往港督睇邊個司級官員唔順眼，可以選擇燉佢冬菇，或等佢無癮，但司級官員好似俾啲屎你嘆。但依家特首下面班所謂問責官員，隨時令特首乃屎上身。
好似左魔成就係好例子，根據以下香港中文大學新聞系雜誌《大學線》嘅報導，委任區議員嘅名單係民政事務局局長草擬。大家應該明點解，連孫啟昌咁福佳，都可以再獲委任喇。
http://www.com.cuhk.edu.hk/ubeat/9911/pol_s.htm
當然，曾爵士可以選擇否決左魔成嘅提名，問題係，否決左魔成嘅提名，即係同土共開拖，上鋪對住陳太都咁嘅面口，更何況曾爵士。
況且，依家曾爵士提份暗地為2012政改開門嘅政改報告出嚟，左魔成仲唔乘機玩嘢，千方百計阻住政府同泛民建立信任基礎。
乜嘢叫擺明靠害？左魔成就係囉。
全中國講嘢最絕核嘅，北方有北京人，南方有香港人。而香港人講嘢絕核嘅基礎，正係廣東話。
廣東話係全中國有完整語文體系嘅語言，民初果陣有廣府詩，而港英政府藉搞HKSCS定義咗廣東話入文嘅基礎，我可以咁講，廣東話唔係方言，係香港漢文（Hong Kong Chinese，比照British English）。好似林忌博客之前登嘅山西日報廣府詩：國事真是丟那媽，近日心事亂如麻，從來不食山西醋，爭看佳人郭豔霞。原文係用嚟寸漢奸陳公博嘅一句詩：國事果真丟乃媽，此行心意亂如麻，從來不呷山西醋，明日請看粉菊花。
喺歷任香港總督中，有一位係研究廣東話嘅專家，呢位正係金文泰爵士，一位精通中文嘅殖民地總督，佢將《粵謳》翻譯成英文。而喺佢任內，成立香港官立漢文學校，亦即係今日嘅金文泰中學，亦係小弟嘅母校。金文泰爵士做完香港總督，就去咗做新加坡總督。
而胡適，都作過廣府詩，胡適嘅《黃花崗》係咁寫嘅：黃花崗上自由神，手執火把照乜人。咪話火把唔夠亮，睇佢嚇死大將軍。胡適同小弟一樣，唔係籍貫廣東嘅，胡適係安徽人。
當然，胡適嘅詩係睇落唔夠文雅，真係好文雅嘅廣東詩，係等到七十年代，黃霑開始填嘅詞，廣府話就定下現代化嘅基礎。
邊個仲敢話廣東話入文係俗嘅，叫佢地罰抄胡適嘅廣府詩一百次。
後話：我有理由相信，喺民初政府高層，廣東粗口係通行語言，大家諗吓廖仲凱，同埋胡漢民一齊搞革命果陣，仲唔丟聲四起就奇喇。
http://club2.cat898.com/newbbs/dispbbs.asp?boardid=1&star=1&replyid=1982948&id=1982948&skin=0&page=1
以上凱迪網絡，貓眼看人的文章，已不是NHK, VOA之類海外媒體造出來，或者年糕料理館，敝博客之類抹黑中國之辭，而是中國的危機，已經在我們的大門口。
特別是物價問題，當香港人都感受到豬肉價格的漲幅時，中國人豈有不感受到危機的道理？共產黨或者不會在一年半載內倒台，但這樣的政制，這樣的貪腐，連中國人民都認為老共要非倒不可時，後果很可能就是小弟最怕的辛亥革命式無預警倒台或政變，屆時一定膠到無朋友。
事實上，我現時掀起BNO居英權討論的背景，除了我個人的政治認同，另一方面，是對香港情勢的擔憂。三百萬英籍人士當然不可能一下子撤走，但如果香港有三百萬人手持歐盟護照，就肯定對香港總體安全較為有利。
本來做區議會委任議員，我已經認為呢挺人好福佳。不過，以下一位新科被委任區議員，簡直福佳之極品。
灣仔：孫啟昌議員（民賤聯）
條友福佳喺邊度呢？呢條友喺2003年，爭取連任鵝頸選區失敗，輸咗俾李繼雄。今年他派他的徒弟出戰，照輸可也。但佢本人，就唔單只連葉國謙果種復仇嘅guts都無，仲要咁樣擺明車馬做政治綜援戶。
吃政治綜援戶食得咁難睇，仲唔係特別福佳，福佳呢咁，不如跳樓死咗佢算喇。
