MO’s notebook 3 to 4

如果我係有錢人，我感覺最有危機唔係搵唔到一班好手下，而係自己家族嘅接班人，都係一班無人嘅敗家仔。

英國嘅貴族之所以藍血，因為佢地崇尚騎士精神，我地唔係以食祖宗老本為榮，而係要做一番成績光宗耀祖，維持家族榮譽，否則就唔可能出到邱吉爾呢挺，面對希特拉呢種狂魔都腰板挺直的貴族子弟，領導國家走向勝利。

南洋做敗家仔會被人恥笑嘅，所以南洋人好少show off自己嘅家族點勁點勁，佢地只會講自己做咗乜成績咁勁，去令家族增光。你係同佢地熟咗，至知道好多人嘅家族背景，power唔弱，只不過平日唔話俾你知。

所以我對香港有班友，自以為有世叔伯照就好威，或者甘於食政治綜援而不知廉恥，感到價值觀好差。你唔好怪綜援領取人變懶人，你自己身為藍血人唔做好榜樣，走去做敗家仔，唔係等政府委任，就係玩女人玩到唔知去咗邊，咁你怪得邊個。成個價值觀不求進取，你有乜資格求你下屬進取。

香港有班敗家仔，以及同佢地吶喊助威嘅啦啦隊，唔沉淪就怪。

第四代好多時唔知出路喺邊度，但除咗鬧爆第二代人唔俾位我地上，我地仲可以做乜？

我嘅答案係間接路線（indirect approach），人生規劃上嘅間接路線，可以用藍海理論嚟講。

依家啲家長好得意，好鍾意一窩蜂向同一條路進發，例如入名校，當你見咁多人爭果條咁窄嘅路，咁嘅殺戮戰場紅海你爭嚟做乜，你付出幾倍氣力隨時得番個桔，喺戰略上，似係災難多一啲。

你應該搵啲無乜人行過嘅路嚟行，好似我咁，小學人人爭筲箕灣官中嚟讀，我偏偏走去讀中文中學嘅金文泰。當人人補習搵外快，我就寫政治評論搵外快。人人爭住讀工管，我走去讀政政，呢啲路睇落唔直接，但事實上當你慳咗好多力氣時，你嘅進度會比人快嘅，一如曼斯坦嘅德軍經阿登山區進軍法國一樣，睇落崎嶇，但由於法軍唔發覺呢條路係坦克行得，結果曼斯坦軍團行得遠遠快過同你馬其諾防線正面衝突。

基本上，我識嘅朋友，好多查實係靠藍海或間接路線去上位，除咗我本人，以及林忌，我前女友，我識好多文化界朋友，都係咁。

好似黃明樂，好多香港人會認為她有政務官點解唔做，但我睇法係，如果她有向從政呢條路，她由幫泛民打選戰，做自由人，做文化人，再日後經民選呢條路，再嚟個回馬槍，同她同屆嘅，邊個會快啲做局長或副局長，我相信識間接路線嘅人，應該知道我推斷嘅答案。

第四代人，無必要再被第二代人嘅直接路線框死自己，發揮你嘅戰略頭腦，你搵你嘅未來，呢個係我二零零八年嘅忠告。

由於呢個blog係計英國時間，所以暫且不寫我對2008年的看法，但我想鬧爆香港新年的一些景象，簡單嚟講，同香港開年。

1. 香港警察嘅人流管制措施，可謂一年比一年硬膠，我在除夕夜放工後去銅鑼灣食飯，食完飯遇上倒數嘅人群，班友倒完數後散水，警方可以控制人流到乜程度，就係帶你行大運，轉到暈陀陀，膠到無朋友，或者邊度都唔駛去，乜呢啲就係人流管制，定係玩人唔駛本，不妨大家諗吓。

2. 我對第五代嘅金毛飛忍耐到咗一個限度，果啲金毛飛簡單嚟講，就係無家教。成班友吹水傾偈，阻住人群前進而旁若無人，依家啲𡃁仔發生緊乜事，請話俾我聽。

3. 大時大節人咁多，好心班煙民就唔好吸煙，好多死飛仔，或死中年，齊齊吸煙，搞到我呢個路人吸咗大量二手煙。我建議修例，喺大時大節人多聚集嘅地區吸煙，控煙辦罰佢地每人一萬元罰款。

4. 銅鑼灣恒隆中心嘅Starbuck發乜癲，明知除夕多人竟然午夜十二點半關門，搞到名店坊嘅Starbuck人多到位都無得坐，大批狼狽咖啡客完全唔知去邊，呢啲係乜叉服務態度嚟，我對呢間Starbuck都忍咗好耐。乜Starbuck係咁唔識睇時勢serve客，明知高朋滿座都要關門，佢地係得嘅。

5. 我講完咁多，我估我都係刁民嘅一分子，沒錯，我係刁民，唔怪得鋪鋪見膠都鬧爆。

我個人好少用真名寫金融，除了《信報》的專欄。但這次我反而想講吓，點解一鋪次按危機，搞到成街都係人頭同死屍。

金融界嘅壓力確係黐孖筋，不過入去金融界嘅門檻就窄到離晒譜。喺香港而論，如果你想入大行，如果你唔係浸完洋水返嚟，或者你嘅親戚人脈好強，你作為本地大學畢業生，有無可能入到外資大行？答案係難乎其難。講關係入去，幾乎係中環大行嘅陋習。

（所以果班支持「國際化」嘅友仔，我聽完佢地老點我好滾嘅原因係咁解，既然金融界咁膠，你扮晒國際化可以幫到中大畢業生搵到好工，點解中大唔保留番自己特色先？）

香港分公司係咁，你都估到美國、英國總公司未必好太多，當然名校畢業嘅都唔少，但華爾街係唔係最精英、最受考驗嘅友仔入去，我睇唔係。當金融界，包括果啲基金經理，入去都唔係最勁嘅人才時，成行都係咁，一鋪次按啲友嘅底仲唔露晒出嚟？呢個就係我所知嘅另類角度。

當然，我唔係正式金融人，我唔敢獻醜嘅。但如果各大行嘅用人機制仲係咁人治味重，你嘅MPF俾呢班友嚟管，政府真係識得同我地開玩笑。

http://www.charming-online.com/pocket/visa.cfm?Country=ES

http://www.charming-online.com/pocket/visa.cfm?Country=DE

翠明假期係香港和大馬第一福佳傳媒東主張曉卿旗下企業，西班牙、德國已經免BN(O)簽證成年咁滯，依家資料仲未update，呢啲原來係公信第一報嘅所為，真係福佳到無人有。

如果翠明假期仲唔更正資料，我地就叫張健波自己拆咗公信第一個招牌落嚟。

黃明樂：三十而不惑

我看完這篇文章後，仰天狂哈哈哈三大聲。

黃明樂寫的，某程度上是2007年前黃世澤生活寫照，大家不見小弟Macbook永遠在背包，iPhone永遠準備收email。當然我早一點練就出來，我過了類似生活接近十一年。

所以我現在很感謝PCCW Wifi有很大改進，PCCW Mobile $138的plan包2000分鐘還送PCCW Wifi任用，對自由人而言，這是最大件夾抵食。雖然我應該很難繼續過自由人的日子，三十歲我該做回一個商人。

不要緊，沒有這樣的歷練，沒更長的路。這也是第四代人的另一道寫照。

後話：不用狂找傳真機的，要本地傳真，只要能上網，用免費的Outfax.com便成，當然，我已經沒用傳真機好一段日子，我十二年來寫稿都是無紙操作。

連袁彌明都在世代之爭的論戰中插一把時，《經濟日報》評論版編輯也要搞一個針對第四代的專欄時，就連我不得不承認，第四代鬱悶問題，已經不是呂大樂、梁文道，或如我之類的文化人、學者討論的議題，而是一整代人的出路問題。

由個人經歷而言，我算是第三代至第四代之間，因為我是在1995年開始評論生涯，在金融風暴前起步，當時報館編輯仍然接受那些沒頭銜的人投稿，加上在九七將近時，當時事評論員批評共產黨，是隨時在中國管治下人間蒸發的行業，因此，有錢都未必有人做，在這背景下，我算是避了不少第四代的問題。

對我這個在第二、三、四代穿梭的傢伙，我明白有時第二代人的憂慮，因為第二代慣了是日出而作，日入而息的刻苦，對第四代的散漫，完全看不過眼。第四代人，未必願意再由傳統第二代的死功夫著眼。我那一屆政政系，只有兩位找死的傢伙，選了畢業論文跟關信基教授，一位是小弟，另一位是與我一齊合作過HPAIR的Sally。跟關信基寫論文，你沒有紮實的實地研究是過不了關，但誰會這樣辛苦做這種研究？（當年我是研究民賤聯如何利用互委會和業主立案法團擴張地盤，時為2000年）

第二代人另一方面認為第四代人沒有目標，第四代人的見招拆招心態，也是會與第二代人撞個天翻地覆。當然，第四代人的一些缺失，又與不少第二代人為求搵銀，沒有價值和視野有關，但第二代人，有幾多個誠實如陳冠中，願意承擔責任？

另一方面，第二代人對第四代有些事是絕對難以理解。首先是早熟，在第四代這堆人中，有不少是神童來的。像Leona提到被拔尖入中大的Kris，以至我個人認識的林忌，都可以歸類為神童。他們聰明，學得早，知得早，而且知得不比第二代人少，甚至更多，勤力亦不會比第二代人差。但正由於他們才氣橫溢，在第二代人眼中，這些人不受控制，結果不知怎樣用他們。我個人也在這十多年，遇上「早熟兒童不知何用」的問題，特別像我這種娃娃臉的，尤甚。

還有，第四代人有些事，查實是與第一代人銜接，不過他們不明白，以為第四代人胡鬧，查實他們只是繼承祖宗之志。林忌是典型例子，大家以為他玩膠登語言，但查實在民國期間，連「丟那媽」都見報，「福佳」、「硬膠」又算得乜？

另一方面，第四代人很多是外國長大，他們的文化核心已經異化，與本質上仍是舊中國人的第二代人有很大的分別，一有價值衝突就撞車撞到離晒譜。不要計本人（我家教本來是歐陸+印尼的思考核心，另一種東西），大家看袁彌明，她多次與無記管理層衝突，因為無記是典型的封建家族公司，但袁彌明是那種習了在美國衝突又衝突思維方式長大的人，她這種人一出來還不火星撞地球？

Eric Spanner應該考慮再在富德樓，搞一次世代之爭論戰，我個人認為，可以邀請袁彌明，她是第四代人與第二代人衝突的典型人辦。我相信，需要多幾次武林大會。

延伸閱讀：

黃雅麗：我係第四代，我寫故我在

袁彌明：第四代香港人的自白

陳冠中：我這一代香港人，香港：牛津大學出版社，2004年

呂大樂：四代香港人，香港：進一步多媒體，2006年

梁文道：時間站在我們這邊

身邊有些朋友覺得，2017普選有時間表，都叫收貨。但以中國局勢而言，就算人大常委實實在在話2017普選特首，情況都已經膠到無朋友。

12月2日那場史大林格勒之役最大的其中一個戰略效果，那就是葉劉淑儀根本不可能在2012特首選舉中服眾，她在港島單議席單票對決都輸給陳太，她還好意思去選特首。而土共手上的牌，包括唐英年、梁振英，幾乎無張打得。

而曾爵士的直屬部隊，不論曾俊華，以至邱騰華等，全部係未夠稱做特首，律政司司長黃仁龍，也要至少2017年才做到睇得打得。在曾爵士不能連任的情況下，唯一能服眾的特首人選，是泛民主派的陳方安生，如果2012年普選特首，至少2012年的結果預知，中央可以與泛民預先鋪好溝通框架。

現在2017年普選，2012年土共推膠人做特首，如有閃失還不膠到無朋友？加上台灣綠營抽水效應，我不認為2017年普選特首對香港有任何好處。

2012年連特首普選也沒有，決議把這道門封死，可堪稱為戰略災難，這是對中央政府的戰略災難。

根據音樂椅理論，這次中央政府無必要替土共這幫四人幫殘餘物，去踩2012沒普選的地雷，但現時政府明明交了2012過半支持普選的報告，中央政府還是這樣，不單曾蔭權爵士陷入信任危機，就連香港人都覺得中央政府有沒有搞錯？

這災難，一如清朝後段，朝廷搞了個膠到無人有的王族內閣，結果迫立憲派站在革命黨一邊，替清廷說再見。剛在尼泊爾，重演同一故事，皇室玩得太離譜，主張廢除皇室，與中國對抗毛派游擊隊得到各黨支持，尼泊爾的君主立憲玩完。

什麼叫膠到無朋友，呢種就係。

吾等認識的朋友中，林忌可謂讀史之達人（或讀史之變態），他可以很專注研究那些古條約由誰簽訂，而那些條約的簽訂者，其實決定了香港人，為何成為歐盟公民。

根據《南京條約》、《北京條約》和《展拓香港界址專條》英文本，英方簽訂者頭銜是：

《南京條約》：The Queen of Great Britain and Ireland

《北京條約》：The Queen of Great Britain and Ireland

《展拓香港界址專條》：The Convention Between Great Britain and China Respecting an Extension of Hong Kong Territory：The Queen of Great Britain and Ireland

而決定直布羅陀命運的《烏德勒支條約》：The Queen of Great Britain, France and Ireland

香港和直布羅陀都是英國君主名下的直屬土地，而直布羅陀公民不單享有歐盟公民身份，而且隸屬西南英國選區。因此，援引直布羅陀的情況，香港人絕對有權取得歐盟公民權（香港在歐盟成立時，仍是英國的一部分），可能難搞的問題是，香港和澳門應該在歐洲議會劃選區，因小弟相信有十萬葡國公民，三十多萬居英權受惠者，以及三百萬BN(O)持有人的港澳地區，已是相等於一個國家般大的選區。